മെട്രിക് ദിനം - ഉള്ളളവ്

         മെട്രിക് ദിനങ്ങളുടെ രണ്ടാം  ഘട്ടം ഉള്ളളവ് സംബന്ധിച്ചായിരുന്നു. ഗംഗാനദിയെ ഭൂമിയിലേക്ക് കൊണ്ടു വന്ന കഥയിലൂടെ ജലത്തിന്റെ അമൂല്യതയും ജലം ജീവനാണെന്നും തിരിച്ചറിഞ്ഞു. ജീവനുള്ളവയുടെയെല്ലാം ഉള്ളില്‍ ജലമുണ്ട്. ഏറ്റവും കൂടുതല്‍ ജലമടങ്ങിയ ഇല ഏതായിരിക്കുമെന്ന് ചോദ്യമുന്നയിച്ചു. തുടര്‍ന്ന് എല്ലാവരും ഊഹം രേഖപ്പെടുത്തി. ഉത്തരം ഗ്രൂപ്പായി കണ്ടെത്താനുള്ള ശ്രമമായി. ഇലകള്‍ പിഴിഞ്ഞ് നീരെടുക്കാമെന്ന് ബോധ്യപ്പെട്ടു. അത് എങ്ങനെ അളക്കാം എന്നതായിരുന്നു അടുത്ത പ്രശ്നം. 

            എല്ലാ കുട്ടികളും വിവിധ വലുപ്പത്തിലുള്ള കുപ്പികളും മരുന്ന് പാത്രങ്ങളും അവയുടെ അളവ് ഡപ്പികളും കൊണ്ടു വന്നിരുന്നു. പരീക്ഷണത്തിലൂടെ ചെറിയ അളവ് - മില്ലി ലിറ്റര്‍ പരിചയപ്പെട്ടു. സ്കൂള്‍ പറമ്പിലെ ഇലകളില്‍ കോവലിലാണ് കൂടുതല്‍ ജലാംശമുള്ളതെന്ന് കണ്ടെത്തി. തുടര്‍ന്ന് വലിയ  അളവുകളും പരിചയപ്പെട്ടു. 

                  വിവിധ അളവ് പാത്രങ്ങളുടെ നിര്‍മ്മാണമാണ് ഗ്രൂപ്പില്‍ തുടര്‍ന്ന് നടന്നത്. തുര്‍ന്ന് പൊതുവായി ഊഹം രേഖപ്പെടുത്താനും അതിന് ശേഷം മത്സരമായി 8 വ്യത്യസ്ത അളവ് ഊഹിച്ച് രേഖപ്പെടുത്താനും അവസരമൊരുക്കി. മിക്ക കുട്ടികള്‍ക്കും ഏതാണ്ട് ശരിയായി ഊഹിക്കാന്‍ കഴിഞ്ഞുവെന്നത് പ്രവര്‍ത്തനത്തിന്റെ വിജമായ കണക്കാക്കാം. 

               തുടര്‍ന്ന് ആവേശകരമായ കുപ്പിയില്‍ വെള്ളം നിറയ്ക്കല്‍ മത്സരം നടന്നു. ജല സംരംക്ഷണത്തിന്റെ ആവശ്യകതയും അതിലൂടെ ചര്‍ച്ച ചെയ്തു. രാവിലെ ആരംഭിച്ച പ്രവര്‍ത്തനങ്ങള്‍ വൈകുന്നേരം 4.15 വരെ നീണ്ടു.