ഗണിത പഠനം മിവുറ്റതാക്കുക എന്ന ലക്ഷ്യത്തോടെ നടപ്പിലാക്കുന്ന മെട്രിക് മേളയുടെ ഭാഗമായുള്ള മെട്രിക് ദിനങ്ങള്‍ക്ക് വിദ്യാലയത്തില്‍ തുടക്കമായി. ആഴ്ചപ്പാട്ടോടെ ആരംഭിച്ച മെട്രിക് ദിനത്തില്‍ സമയം പരിചയപ്പെടുത്തി. സെക്കന്റുകള്‍, മിനിറ്റുകള്‍, മണിക്കൂറുകള്‍, ദിവസങ്ങള്‍, മാസങ്ങള്‍, വര്‍ഷങ്ങള്‍ എന്നിവ സവിസ്തരം ചര്‍ച്ച ചെയ്തു. ദിനത്തിന്റെ ഭാഗമായി നിര്‍മ്മാണങ്ങള്‍, പസിലുകള്‍ കണ്ടെത്താനും പ്രശ്നോത്തരികള്‍, പ്രയോഗിക പ്രശ്നങ്ങള്‍ തുടങ്ങിയവയുടെ കുരുക്കഴിക്കാനും കുട്ടികള്‍ക്ക് കഴിഞ്ഞു. ക്ലോക്ക്, മെട്രിക് ക്ലോക്ക് എന്നിവ ഗ്രൂപ്പില്‍ നിര്‍മ്മിക്കുകയും അവ ഉപയോഗിച്ച് പ്രായോഗിക പ്രശ്നങ്ങള്‍ അവതരിപ്പിക്കുകയും ഉത്തരം കണ്ടെത്തുകയും ചെയ്തു. പിറന്നാള്‍ മരം തയ്യാറാക്കിയതോടെ ആദ്യ ദിന പ്രവര്‍ത്തനങ്ങള്‍ക്ക് വിരാമമായി.
No comments:
Post a Comment