വര്ണാഭമായ ചടങ്ങുകളോടെ, അക്ഷരത്തെളിച്ചത്തിനായി പാണൂര് സ്കൂളിന്റെ പടി കടന്നെത്തിയ കുരുന്നുകള്ക്ക് ഹൃദ്യമായ സ്വീകരണം നല്കി. ബലൂണുകളും പീപ്പികളും മധുരവും നല്കി അവരെ സ്വീകരിച്ചു. പ്രവേശനോത്സവത്തിന്റെ ഔപചാരിക ഉദ്ഘാടനം സ്കൂള് മാനേജ്മെന്റ് കമ്മറ്റി പ്രസിഡണ്ട് ശ്രീ.എം.ജയചന്ദ്രന് നിര്വ്വഹിച്ചു. ഹെഡ്മാസ്റ്റര് ശ്രീ.ദാമോദരന് മാസ്റ്റര് സ്വാഗതാമശംസിച്ചു. എം.പി.ടി.എ വൈസ് പ്രസിഡണ്ട് ശ്രീമതി രമണി അധ്യക്ഷയായിരുന്നു. പി.ടി.എയും സ്റ്റാഫും ചേര്ന്ന് പഠനോപകരണങ്ങള് നല്കി. ഹെഡ്മാസ്റ്റര് പാഠപുസ്തക വിതരണം നടത്തി. പാണൂര് പീപ്പിള്സ് ആര്ട്സ് & സ്പോര്ട്സ് ക്ലബ്ബ് ഏര്പ്പെടുത്തിയ സമ്മാനങ്ങള് ശ്രീ.ജയചന്ദ്രന് വിതരണം ചെയ്തു. അമ്മമാരും അധ്യാപികമാരും ചേര്ന്ന് ആലപിച്ച പ്രവേശനോത്സവ ഗാനത്തിനു ശേഷം റാലി നടത്തി. കുട്ടികള്ക്കൊപ്പം രക്ഷിതാക്കളും ആവേശപൂര്വ്വം റാലിയില് പങ്കെടുത്തു. കഥകളും പാട്ടുകളും പാടി ഒന്നാം ദിവസം ആഘോഷമാക്കി മാറ്റി. ഉച്ചഭക്ഷണത്തിനു ശേഷവും ആഘോഷ പരിപാടികള് തുടര്ന്നു. വിദ്യാലയത്തിലെ ആദ്യ ദിനം ആവേശമാക്കി പ്രവേശനോത്സവ പരിപാടികള് സമാപിച്ചു.
No comments:
Post a Comment